Daga Ahmed T. Adam Bagas
Hukumomin leken asirin Amuka sun ce sun gano cewa ba dan Adam ne ya kirkiri cutar Covid-19 ba sannan kuma ba sauya kwayar halitta aka yi ba, a wani bayanin farko da Hukumomin suka fitar.
Sun ce har yanzu suna ci gaba da bincike kan ko cutar na da alaka da yin hulda da dabbobi ko kuma wani abu da ya faru a wani dakin gwaji na kasar China.
Sai dai sun yi watsi da labarin da ake yadawa cewa China ce ta kirkiri cutar sannan ta yada wa duniya.
Idan baku manta ba Shugaba Donald Trump ya sha yin yakin cacar baki da China game da asalin annobar da ta lakume ran fiye da mutum dubu 200 a duniya.
