Gwamnan jihar Kano da ya shude, Dakta Abdullahi Umar Ganduje, ya mayar da martani kan kwace ginin asibitin Hasiya Bayero da gwamna Abba Kabir Yusuf ya yi, inda ya dage cewa an yi wa magajinsa bayanin cewa an sayar da ginin asibitin.
Tsohon wamishinan Yada Labarai Malam Muhammad Garba, a cikin wata sanarwa da ya fitar, ya bayyana mamakinsa da sabuwar gwamnatin Gwamna Yusuf ta sanar da soke sayar da ginin da aka ce an yi wa asibitin yara na Hasiya Bayero da aka mayar a birnin.
Garba ya ce an dakatar da ayyukan asibitin na wani dan lokaci bayan an dawo da shi bayan an kammala asibitin Khalifa Sheikh Isyaka Rabiu, da ke kan titin gidan zoo a cikin birnin Kano.
Ya yi nuni da cewa, asibitin na daya daga cikin kayayyakin da gwamnatin Ganduje ta gada.
Ya ce sabon asibitin kananan yara wanda ke da karin gadaje a yanzu yana samar da ingantattun ayyuka baya ga hidimar cibiyar horarwa da kuma ayyukan bincike.
Tshohon kwamishinan ya yi nuni da cewa tsohuwar Hasiya Bayero an so a mayar da ita cibiyar kula da matsalar rashin abinci mai gina jiki wadda za ta zama cibiyar kula da matsalar tamowa.
Garba ya kuma bayyana cewa, baya ga haka an samar da wata masana’anta da za ta kera RUTF don magance matsalar rashin abinci mai gina jiki a cibiyar da kuma sauran cibiyoyin kiwon lafiya a fadin jihar.
Ya bayyana cewa, gwamnatin Ganduje ta kaddamar da wani kwamitin fasaha da zai sa ido a kan yadda za a yi musu sauye-sauye, har ma sun gudanar da rangadin karatu a wani wuri makamancin haka da ke Maradi a Jamhuriyar Nijar da nufin kafa cibiyar da ta dace.
Ya kara da cewa, tun daga ranar 29 ga watan Mayun bana, ba a siyar da ginin ga wani mutum ko kungiya ba, kuma ya kasance mallakin gwamnatin jihar Kano.
