Ministan babban birnin tarayya (FCT), Nyesom Wike, ya ja kunnen shugabannin jam’iyyar sa ta PDP da su dakatar da shi ko kuma su ladabtar da shi.
Wike, wanda ya yi magana na musamman a shirin Siyasa na Gidan Talabijin na Channels a yau Laraba, ya ce bai ga jigon jam’iyyar da zai iya dakatar da shi ko kuma ya kore shi daga jam’iyyar ba.
“Wa zai iya hora ni? Kamata ya yi in zama mai kira da a binciki wadannan mutane da suka saba wa kundin tsarin mulkin jam’iyya, ta yadda jam’iyyar ta goyi bayan karba-karba.
“Wa zai dakatar da ni? Ina so in kuskura kowa,” in ji Wike.
Tsohon gwamnan ya ce ya sanar da shugabannin jam’iyyar PDP kafin ya karbi tayin ministocin shugaban kasa Bola Tinubu na jam’iyyar APC mai mulki.
Wike ya ce ya ci gaba da zama jigon PDP duk da yana aiki da gwamnatin APC. “Ina so in goyi bayan Asiwaju (Tinubu) ya kammala Aikin sa da kyau,” in ji shi.
Dan takarar jam’iyyar PDP kuma dan kungiyar G5 a babbar jam’iyyar adawa ya ce babu wanda ya nemi uzuri na goyon bayan sauya mulki zuwa kudancin Najeriya.
Wike ya ce, “Muna jiran kwamitin shugaban kasa ya kare, za ku san su wane ne wadanda ke yiwa jam’iyyar aiki da kyau.
“Ta yaya wani zai yi magana a kore ni? Jihar da ta kawo gwamna? Jihar da ta kawo Sanatoci uku? Jihar da ta samar da ‘yan majalisar jiha 32? Jihar da ta samar da 11 daga cikin 13 na majalisar wakilan tarayya
“Mutumin da zai dakatar da ni shi ne wanda bai iya samar da gwamna ba, shi ne wanda bai iya samar da Sanatoci uku ba?
“Ban ga mutumin ba, tare da girmamawa. Babu wanda zai iya yin haka Don haka batun za su yi bai taso ba”.
