Bamu Janye batun daukaka Kara ba a shari’ar Gwamna Abba na Kano ~Hukumar Zabe INEC tayi amai ta lashe.
Hukumar Zabe Mai Zaman Kanta ta Kasa, INEC, ta mayar da martani inda ta janye wasikar ta na farko da ke nuna janye daukaka kara kan hukuncin kotun sauraron kararrakin zaben gwamnan Kano.
Jaridar SOLACEBASE ta ruwaito cewa a cikin wata wasika mai dauke da kwanan watan 6 ga watan Oktoba mai dauke da sa hannun Suleiman Alkali, shugaban sashin shari’a na hukumar a Kano, INEC ta ce ta janye karar da ta shigar saboda ba ta da dalilin daukaka karar duk wani hukunci.
“Hedikwatar hukumar ta umurce ni da cewa INEC a matsayina na alkali da na sanar da cewa INEC Bata da wani dalili na daukaka karar duk wani hukunci.
Don haka, hukumar da ke kula da harkokin shari’a da kwamishinan shari’a na shiyyar Kano suka bayar da umarnin a janye wannan kararrakin, sannan a mika duk wani tsari na duk wani kararraki ga ofishin Hukumar na Kano,” wasikar da aka aika zuwa ga sakataren gwamnatin Kano Kotun Korar Zabe.
Sai dai da yake zantawa da SOLACEBASE a daren Juma’a Suleiman Alkali ya ce an janye wasikar da aka rubuta wa kotun sauraron kararrakin zaben gwamnan Kano.
A ranar 20 ga watan Satumba, kwamitin mutum 3 ya kori Gwamna Abba Yusuf tare da ayyana dan takarar jam’iyyar All Progressives Congress, APC, Nasiru Gawuna, a matsayin wanda ya lashe zaben gwamna da aka gudanar a ranar 18 ga watan Maris.
