Jagoran jam’iyyar All Progressives Congress, APC, Ahmed Tinubu ya mayar da martani game da labarin da ake yadawa cewa yana cikin wadanda suka dauki nauyin masu zanga-zangar #ENDSARS. A wata sanarwa dauke da sa hannun mai magana da yawun sa, Tunde Rahman, Tinubu ya barrantar kansa, inda ya shawarci ‘yan Nijeriya da su watsar da labarin domin wata hujja Kan Hakan.
Domin “Asiwaju Tinubu ba zai iya daukar nauyin zanga-zangar #EndSARS da ta toshe daya daga cikin manyan hanyoyin shiga da fita daga Jihar Legas ba kuma daya daga cikin jijiyoyin tattalin arzikin Gwamnatin Jihar Legas. Hakanan ba zai iya daukar nauyin irin wannan zanga-zangar ba Abu na biyu, yayin da Asiwaju Tinubu ya yi amannar da bayar da ‘yancin’ ga yan Nijeriya na ‘yancin faɗar albarkacin baki, Taro, da yin zanga-zanga a lokacin da ya cancanta, a koyaushe ya kan buƙaci mutane da su bincika hanyoyin da za a bi cikin lumana don fidda ra’ayoyinsu da buƙatunsu. Inji Tinubun.
ya Kara da cewa na yi imanin masu zanga-zangar #EndSARS sun gabatar da bukatunsu, wanda Gwamnatin Tarayya ke nazari, Asiwaju ya yi imanin cewa zaluncin da SARS ke yi wa matasa marasa laifi da sauran’ yan Nijeriya sun daɗe kuma dole ne a wargaza su kamar yadda masu zanga-zangar suka buƙata. Asiwaju Tinubu ya yi imanin cewa yanzu lokaci ya yi da matasanmu za su jira, su nuna dattako ga tattaunawa da gyara. Saboda haka rashin hankali ne a danganta daukar nauyin zanga-zangar ga Asiwaju. Masu daukar nauyin wannan labarin na bogi sun manta cewa zanga-zangar ta yadu sosai kuma a fadin kasar da wajen kasar? ”
