Batun dala biliyan 2.4 da aka sace: ‘Yan Majalisa sun gayyaci Ministar Kudi da Sakataren Gwamnati, NNPC da sauran su
Kwamitin ya kuma nuna damuwa game da bambance-bambancen alkaluman sayar da danyen mai daga shekarar 2011 zuwa 2014.
.
Kwamitin wucin gadi na Majalisar Wakilai kan satar mai yana gayyatar wasu manyan jami’an gwamnatin tarayya kan binciken da ta yi kan asarar sama da dala biliyan 2.4 na kudaden shiga daga sayar da ganga miliyan 48 na fitar da danyen mai ba bisa ka’ida ba a shekarar 2015.
Wasu daga cikin jami’an da aka gayyata a ranar Talata domin amsa tambayoyi sun hada da ministar kudi, Zainab Ahmed; da Babban Sakataren Gwamnatin Tarayya, Boss Mustapha, kamar yadda gidan Talabijin na Channels ya ruwaito.
Haka kuma an gayyaci mukaddashin Akanta Janar na Tarayya, Sylva Okolieaboh; da Kamfanin Man Fetur na Najeriya (NNPCL), da dai sauransu.
Kwamitin ya kuma nuna damuwa game da bambamcin alkaluman da ake samu daga sayar da danyen mai daga shekarar 2011 zuwa 2014 kuma yana zargin ministan kudi da amincewa da biyan wasu masu fallasa kudaden da aka saba da manufar yin fallasa.
Kwamitin wucin gadi na majalisar ya binciki zargin sayar da gangar danyen man fetir din Najeriya ganga miliyan 48 ba bisa ka’ida ba a kasar Sin a shekarar 2015, wanda darajarsa ta kai dala biliyan 2.4.
Kwamitin, a watan Fabrairu, ya zargi Babban Lauyan Tarayya (AGF), Abubakar Malami da kuma Interpol, kan abin da ya bayyana a matsayin katsalandan a binciken kwamitin.
Kwamitin ya yi tambaya kan dalilin da ya sa hukumar ta Interpol za ta gayyace mai bayar da bayanai kan bukatar ma’aikatar shari’a bayan an fara binciken majalisar.
Sai dai shugaban hukumar ta Interpol ta kasa a Najeriya Garba Umar ya ce hukumar ta yi aiki da bukatar AGF ne kawai.
Shugaban kwamitin wucin gadi na Majalisar kan satar mai, Mark Gbillah ya ce, “Akwai wata kungiya mai suna Advocacy for Good Governance and Free Nigeria.
“Wato kungiyar da ake kira farar hula ce ta rubuta wa babban mai shari’a cewa akwai wannan gungun ‘yan ta’adda na kasa da kasa da ke kokarin yiwa manyan jami’an gwamnati bakin jini.
“Yaya Babban Lauyan ya mayar da martani kan zargin da wani mutum ya yi masa? Ma’ana shi kansa babban lauyan gwamnati bai tabbatar da gaskiyar kowace kungiya ba.”
Kwamitin dai bai gamsu da maganar da Interpol ta gabatar ba, ya zargi AGF da yin katsalandan a binciken majalisar.
Kwamitin ya ji tsoron kare lafiyar wanda ya fallasa bayanan, ya kuma dage cewa bai kamata ma’aikatar shari’a ta rika yin bukatu kai tsaye ga Interpol ba amma ta bi ta hannun ‘yan sanda, domin Interpol bisa doka kawai ake sa ran za ta amsa bukatar hukumomin tsaro na cikin gida.
