Cire Tallafin Mai: Rundunar Sojin Najeriya ta kara alawus-alawus din sojoji daga N1,000 zuwa N1,200 duk wata.
Rundunar Sojin Najeriya ta amince da sake duba kudaden alawus-alawus na wata-wata ga sojoji, inda za ta kara daga Naira 1,000 zuwa N1,200 ($1.50) a wata takarda da aka raba a shafukan sada zumunta.
Amincewar, wacce ta yi watsi da kalubalen da sojoji ke fuskanta bayan cire tallafin man fetur da shugaba Bola Tinubu ya yi, ta zo ne a ranar 27 ga watan Yuli, kamar yadda takardar da Emmanuel Emekah, wani Manjo Janar ya sanya wa hannu, a madadin babban hafsan sojin kasa, Taoreed Lagbaja ya bayyana. . Ba a dai san yadda bayanin ya fito a shafukan sada zumunta ba, amma jami’ai sun tabbatar da sahihancin sa ga Jaridar Peoples Gazette.
“Bayan cire tallafin man fetur da gwamnatin tarayyar Najeriya ta yi a baya-bayan nan, tare da hauhawar farashin kaya da ayyuka a fadin kasar nan, hukumar ta COAS ta amince da sake duba kudaden alawus din da ake ba sojoji daga N1,000 zuwa N1,200 daga watan Agusta 2023,” in ji Mista Emekah. Yayin da alawus din ya banbanta da albashin wata-wata, tuni sojoji suka fara guna-guni game da rashin wadataccen albashin da sojoji ke fama dashi.
“Jami’an Rundunar sun riga sun yi korafin cewa alawus din ya yi matukar karanci,” wani Laftanar ya shaida wa Jaridar The Gazette ta wayar tarho ranar Laraba da yamma. “Sun yi tsammanin kusan N5,000 na alawus alawus saboda albashin su ya yi kadan matuka.”
“Mafi yawansu suna samun kasa da N70,000 duk wata,”. Mai magana da yawun rundunar bai maido da martani nan take ba da aka nemi karin haske game da sanarwar.
Bayanin ci gaban ya fito ne a daidai lokacin da ‘yan Najeriya ke kokawa kan sabon tsarin tallafin man fetur, wanda ya sa farashin kayayyaki ya yi tashin gwauron zabi biyo bayan matakin da Mista Tinubu ya dauka na daina ba da tallafin man fetur ga ‘yan Najeriya.
An gudanar da zanga-zanga a duk fadin kasar a wani mataki na kokarin da kungiyoyin kwadago suka yi na tilastawa shugaban kasar ya sake duba wannan manufa, wadda aka fara bullo da ita tun a shekarun 1970, lokacin da tattalin arzikin Najeriya ya kara dogaro da danyen mai da ake fitarwa zuwa kasashen waje.
Rahoton Peoples Gazette
