An yi harbe-harbe a yau ranar Lahadi lokacin da ‘Yan sanda suka cafke Sanata Rochas Okorocha bisa zargin jagorantar’ yan daba dauke da muggan makamai don kutsawa cikin gidan matarsa da Gwamnatin Jihar Imo ta cika.
Majiyarmu ta ruwaito yadda gwamnatin jihar ta kwace Royal Palm Estate, wanda ke kan titin Akachi a Owerri, babban birnin jihar.
An rahoto cewa Okorocha ya kutsa kai cikin ofishin ne a fusace ayau ranar Lahadi, yana neman a ba shi damar shiga amma jami’an tsaron da ke kasa sun ki bude kofar.
An ce dan majalisar da ke wakiltar gundumar sanata mai wakiltar Imo ta Yamma ya umarci mutanensa da su ba shi hanya ya shiga wurin sannan suka bude kofofin.
Bisa umarnin Okorocha, an bude kofofin amma bayan da masu dauke da makamai suka lalata motoci tare da raunata masu tsaron wurin.
Jim kaɗan bayan haka, wasu hadiman gwamna Hope Uzodinma da aka ambata da suna Chinasa Nwaneri da Eric Uwakwe suka isa wurin tare da ‘yan sanda waɗanda suka kama Sanatan bayan sun fi karfin mutanensa a ƙasa.
Hakanan an kame Ijeoma Igboanusi, wani mataimakin shugaban ma’aikata a lokacin da Okorocha ke gwamna, da Lasbrey Okafor-Anyanwu.wanda ya kasance Kwamishina a gwamnatin Okorocha.
An ce mutane biyu sun mutu yayin da wasu da dama suka samu raunuka a lamarin.
Sanatan da wadanda aka kama tare da shi a halin yanzu ana tsare da su a sashen binciken manyan laifuka na jihar (SCID), Owerri.
