Da dumi’dumi: Bayan tashin bom har’ila yau ‘yan Bindiga Sun Sace Mutane talatin 30 A Karamar Hukumar Igabi dake jihar Kaduna.
Wasu ‘yan bindiga sun sace wasu mutane 30 a kauyen Unguwar Liman da ke unguwar Gwada a karamar hukumar Igabi ta jihar Kaduna. Mazauna yankin sun ce Mazajen har da matan gida.
Mazauna yankin sun ce wadanda abin ya shafa da suka hada da matan aure da yara ‘yan kasa da shekara 2, an kai su inda ba a san ko Ina ba a Yanzu
Lamarin ya faru ne a daren Lahadi da misalin karfe 11 na dare inda ‘yan bindigar suka yi ta harbe-harbe ba da dadewa ba, suka far wa al’umma.
Malam Jafar Anaba, wani mazaunin garin kuma shugaban al’umma ya shaida wa Majiyarmu a daren ranar Litinin cewa akwai dan uwansa da wasu ‘yan uwansa da aka sace.
Ya ce wadanda suka sace ba su tuntubi iyalan wadanda aka sace ba.
“Su (’yan fashi) sun shigo cikin al’umma sun kwashe kusan 30 daga cikinsu. Yayana da sauran dangi na daga cikin wadanda aka sace a daren Lahadi,” inji shi.
Ya ce mazauna yankin sun yi kokarin neman agaji a daren da aka kai harin da kuma washegari, amma babu hanyar sadarwa a lokacin.
Munyi Kokarin jin ta bakin kakakin rundunar ‘yan sandan jihar, ASP Mansir Hassan Amma al’amari ya ci tura.
Layin wayarsa a kashe kuma bai amsa saƙon da aka aika masa ba har ya zuwa lokacin gabatar da rahoton a daren jiya.
