Hukumar da ke yaki da masu yi wa tattalin arzikin kasa zagon kasa, ta gano sama da N30bn daga cikin N37,170, 855,753.44 da ake zargin an wawure a ma’aikatar jin kai a karkashin tsohuwar ministar, Sadiya Umar-Farouk.
Majiyoyi a hukumar yaki da cin hanci da rashawa, wadanda suka zanta da wakilinmu a ranar Juma’a, sun ce hukumar ta kuma gano sama da Naira miliyan 500 daga badakalar da aka yi da magajiyar Sadiya Umar-Farouk wato Betta Edu, wadda shugaba Bola Tinubu ya dakatar a kwanakin baya.
A ranar Asabar PUNCH ta ruwaito a cikin watan Disamba cewa an fitar da N37,170,855,753.44 daga asusun gwamnati tare da aika zuwa wasu asusun banki 38 da ke cikin wasu manyan bankunan kasuwanci guda biyar na mallakar ko kuma alaka da wani dan kwangila, James Okwete.
An tattaro cewa a ranar Juma’ar da ta gabata ne hukumar EFCC ta kwato N30bn biyo bayan sanya hannun jari a asusun bankin Umar-Farouq da Okwete, wadanda har yanzu jami’an hukumar da ke binciken cin hanci da rashawa ke ci gaba da binciken su.
