Da dumi’dumi: majalisar dokokin jihar Kano ta amince da kashe naira biliyan 437.358 na kasafin kudin shekarar 2024.
Gwamna Abba Kabir Yusuf ya gabatar da kasafin Naira biliyan 350 ga majalisar a ranar Juma’a, 27 ga watan Oktoba, inda ya yi alkawarin toshe hanyoyin da za a bi wajen tabbatar da gaskiya da rikon amana a harkokin kasuwancin gwamnati.
Kakakin Majalisar, Jubril Ismail Falgore, ya ce an kara kasafin kudin zuwa N437.3bn kafin a zartar da shi domin kula da bukatun jama’a.
Falgore ya ce kashi 64 cikin 100 na kasafin kudin an ware su ne domin manyan ayyuka yayin da kashi 38 na kudaden da ake kashewa akai-akai.
Majalisar ta gudanar da jin ra’ayin jama’a ne a makon da ya gabata domin samun bayanai daga masu ruwa da tsaki kan kasafin bayan shugabannin kananan hukumomi 44 sun bayyana gaban ‘yan majalisar domin kare kasafin kudin.
Shugaban masu rinjaye kuma mamba mai wakiltar mazabar Dala, Lawal Hussaini Chediyar Yan Gurasa, ya ce an tsara kasafin ne domin a mayar da hankali wajen samar da ingantaccen ilimi, kiwon lafiya da hanyoyi da sauran ababen more rayuwa a yankunan karkara da kuma samar da sana’o’i ga mata da matasa.
An dage zaman gidan har zuwa ranar 29 ga Janairu, 2024.
