Daga Comr Yaseer Alhassan Gombe
Firayim Ministan Hadaddiyar Daular Larabawa, Sheikh Mohammed bin Rashid Al Maktoum, ya umarci jami’ai a kasarsa da su tura kayan agaji na gaggawa da kayan abinci zuwa Najeriya.
Ofishin jakadancin Hadaddiyar Daular Larabawa a Najeriya shine ya sanar da hakan a wani sakon Twitter.
Dangane da tallafin, Maktoum ya bayyana cewa, wannan na cikin yunkurin da kasar take na tallafawa Najeriya a kokarin da take na yaki da cutar Coronavirus.
Kayan sun hada da, Tan bakawai na kayayyakin kiwan lafiya, da kuma Tan biyar na kayan Abinci.
