Hukumar da ke yaki da masu yi wa tattalin arzikin kasa ta’annati ta rubuta wa Hukumar Kula da Laifuka da Tattalin Arziki, inda ta nemi a ba ta kwafin takardar shaidar kadarorin jigon jam’iyyar All Progressives Congress, Ahmed Bola Tinubu.
Wani babban jami’i a hukumar ya tabbatar wa majiyarmu a daren Talata, sahihancin wasikar, mai dauke da kwanan wata 6 ga Nuwamba, 2020, mai dauke da lamba CR / 3000 / EFCC / LS / Vol4 / 322, wacce aka yada ta a yanar gizo jiya.
Abdulrasheed Bawa, sabon shugaban hukumar EFCC ne ya sanya hannu a wasikar, lokacin da yake shugaban ofishin shiyyar na Legas a wancan lokacin.
“Dangane da abin da ke sama, ana rokon ku da ku baiwa hukumar bayanan da aka nema na Bola Ahmed Adekunle Tinubu.
“An gabatar da wannan bukatar ne a karkashin sashi na 38 (1) da (2) na dokar EFCC ta 2004,” wasikar ta karanto.
Mun nemi kakakin hukumar ta EFCC, Wilson Uwujaren Amma Bai amsa Kiran wayar ba
Wani tsohon Manajan Darakta na kamfanin Alpha Beta Consulting, Dapo Apara, ya rubuta koke ga EFCC, yana zargin kamfanin da kin biyan haraji kuma Tinubu ne ke jagorantar sa duk da wakili.
