Hukumar da ke yaki da masu yi wa tattalin arzikin kasa zagon kasa, EFCC, a shiyyar Gombe na yi wa Eze Mavus Ugochukwu, dalibin Kimiyyar Kwamfuta, Bauchi State Polytechnic tambayoyi, wanda ya damfari wasu mutane da ba su sani ba ta hanyar yi wa kansa mukamin Laftana.
Jami’an runduna ta 33 Artillery Brigade na sojojin Najeriya, Barikin Shadawanka na jihar Bauchi sun kame Ugochukwu, dan asalin karamar hukumar Nsukka ta jihar Enugu tare da mika shi ga ofishin shiyya na hukumar EFCC don ci gaba da bincike da yiwuwar gurfanar da shi.
Kamun nasa ya biyo bayan korafin da wata mata Misis Dorcas Oni ta shigar cewa wanda ake zargin ya gabatar da ita a matsayin Laftana a rundunar Sojan Najeriya kuma ya fada mata cewa zai taimaka mata wajen samun damar shigar da danta cikin Kwalejin Tsaro ta Najeriya ta (NDA) don wanda ya sanya ta canza kudin zuwa N400, 000.00 (Naira Dubu Dari Hudu) zuwa asusun sa.
A yayin binciken EFCC, an gano cewa wanda ake zargin ya damfari wasu wadanda lamarin ya rutsa da su har N1, 455,000.00 (Miliyan Daya, Dubu Dari Hudu da Hamsin da Biyar), ta amfani da irin wannan tarko na soja. Dukkanin kudaden da aka samu na aikata laifi an biya su a cikin asusun ajiyar sa na banki guda biyu wadanda aka sanya su a cikin FCMB da STANBIC IBTC, tsakanin Disamba 2019 da Yulin 2020.
Bincike ya ci gaba da bayyana cewa wanda ake zargin ya yi nasarar sanya wadanda ake zargin su yi imanin cewa shi jami’in soja ne ta hanyar sayan kayan jami’an sojan da ke daukar hoto tare da nuna hoton fuskarsa a kansu, yana mai cike da zamba ta hanyar sanya sunansa a jikin kayan.
An kuma gano cewa ya yi jabun takardu na sojoji wanda ya bayar da shi ga wadanda abin ya shafa da gaske don kokarin shawo kansu cewa zai tabbatar musu da zai kaisu NDA.
Za a gurfanar da shi a kotu da zaran an kammala bincike.
Ahmed T. Adam Bagas
