Domin cika alkawuran yakin neman zaben gwamnan jihar Kano, Alhaji Abba Kabir Yusuf ya jaddada kudirinsa na gyara manyan makarantun fasaha na jihar.
Gwamnan ya bayar da wannan tabbacin ne a Technical Bagauda yayin da ya kai ziyarar gani da ido a yau.
“Mun kuduri aniyar cimma manufar samar da ayyukan yi ta hanyar Ilimin Fasaha da Fasaha (TVE)”.
Da yake nuna damuwarsa kan tabarbarewar yanayin ga makarantar, Gwamna Yusuf ya ce gwamnatinsa ta himmatu wajen ganin an gyara ajujuwa da wuraren bita da kayan ruwa da bandaki na makarantar gaba daya.
“Buya ga gyare-gyaren, za mu kuma tabbatar da ingantaccen tsaro don kare rayuka da dukiyoyin mutanen da ke cikin harabar makarantar.
Gwamnan ya yaba da kokarin Bankin Duniya mai taken Innovation Development Effectiveness in Skills Acquisition (IDEAS) wanda aka ware naira miliyan dari biyu da arba’in domin gyaran makarantu, sayan kayan aiki da horar da malamai ga manyan makarantun fasaha guda uku da ke Bagauda, Dambatta da Ungoggo, inda ake sa ran kowannensu zai karbi Naira miliyan 800 ta hanyar shirin IDEAS.
Gwamnan ya kuma bayyana wasu kalamai na yabo ga kwamishinan ilimi na jihar Hon. Umar Haruna Doguwa bisa jajircewarsa na kawo sauyi a fannin ilimi tun daga farkon wannan aiki.
Sanusi Bature Dawakin Tofa
Babban Sakataren Yada Labarai
