Gwamnatin Najeriya Zata Tallafawa Manoma Da Naira Biliyan 600 Don Samar Da Abinci~ Sabo Nanono.
Ministar Aikin Noma da Raya karkara, Sabo Nanono, ya ce Gwamnatin Tarayya na shirin sanya sama da biliyan N600 a matsayin mayar da martani a bangaren aikin gona.
Mista Nanono ya sanar da hakan ne a cikin wata sanarwa dauke da sa hannun Daraktan yada labarai na ma’aikatar, Theodore Ogaziechi ranar Lahadi a Abuja.
Ministan a cewar sanarwar, ya sanar da hakan ne yayin wata ziyarar rangadi a kamfanin sarrafa takin zamani na kamfanin Dangote a jihar Legas.
Mista Nanono ya ce kayan tallafin zai isa ga kananan manoma, don tabbatar da tanadin abinci mai dorewa.
Ya ce shirin zai kai ga manoma a duk kasarnan, kuma ana sa ran farawa da manoma miliyan 2.4 na farko.
Don guje wa aringizon kudaden gwamnati da ta ware na tallafin, zai kasance cikin kayan noma ne za a bayar ba tsabar kudi ba kamar yadda ake yi a baya.
Ministan ya kara da cewa rufe dukkan iyakokin kasa da kasa, wanda cutar COVID-19 ta tilasta ya tabbatar da cewa Najeriya zata iya ciyar da kanta gaba kuma cikin dawwama.
Ministan wanda ya fara rangadin tare da kira mai kyau ga gwamnan jihar Legas, Gwamna Babajide Sanwo-Olu, ya yi alkawarin tallafa wa al’ummomin makiyaya na jihar tare da hanyoyin karkara, hasken rana da dama-damai na ruwa don kara yawan amfanin gona.
Mista Nanono ya kara da alkawarin yin aiki tare da gwamnatin jihar Legas wajen farfado da sashin kifaye domin cike gibin da ake samu na ruwa domin rage shigo da kifi.
A yayin haka, Sanwo-Olu ya yi alkawarin yin aiki tare da Gwamnatin Tarayya ba wai kawai a bangaren kamun kifi ba amma har ma da daidaita harkar noma.
Gwamnan ya ce za a tantance hakan ne lokacin da aka kammala aikin noman shinkafa mafi girma a Najeriya wanda zai iya sarrafa tan miliyan 30 na shinkafa kowace shekara.
Ya ce hakan zai taimaka wa Najeriya ta fi mai da hankali kan fitar da shinkafa da kuma sake duba farashin kayayyaki a kasuwar dillali.
Gwamnan ya ce jihar Legas na da babbar kasuwa ta sayar da kayayyakin gona kuma ita ce babbar mai bayar da tallata masana’antar da kamfanin Dangote Fertilizer Plant aka ambata a cikin yankin ta.
A nasu bangaren, kamfanin Dangote da sauran kamfanonin hada takin zamani, wadanda suka hada da Premium Agro Limited, Elephant Group da Kewalram Group sun koka da cewa albarkatun kasa na hada hada takin zamani kalubale ne.
Sun ce ammonium phosphate, musamman, babban kalubale ne.
Sai dai kamfanin Dangote ya ba da tabbacin zai yi nazari kan hanyar gano asalin yankin domin albarkatun kasa wanda da fatan zai magance matsalar karancin takin zamani a kasar.
