Bukola Saraki, tsohon Shugaban Majalisar Dattawa, ya yi Allah wadai da kisan gillar da aka yi wa wasu manoman shinkafa a karamar hukumar Jere da ke jihar Borno.
Saraki ya bukaci gwamnati da ta tattara ‘yan Najeriya da suka cancanta don sake fasalin tsarin tsaron kasar.
Ya yi wannan kiran ne yayin da yake bayyana kisan da kungiyar Boko Haram ta yi a matsayin abin takaici da raini.
A cikin jerin sakonnin da ya wallafa a shafinsa na Twitter, Saraki ya rubuta cewa: “Harin da aka kai da safiyar ranar Asabar kan manoma da ke girbin amfanin gona a kauyen Koshobe da sauran al’ummomin karkara a karamar hukumar Jere ta Jihar Borno duk abin takaici ne, kamar yadda yake abin kyama ne sosai.
“A wannan lokacin kokarin, addu’ata na tare da iyalan da abin ya shafa da kuma Gwamnatin Jihar Borno.
Yanzu fiye da kowane lokaci, a matsayinmu na masu kishin kasa, dole ne mu ware duk wani bangaranci ko ra’ayi sannan mu hada kanmu da gogaggun masana don sake fasalin tsarin tsaronmu na kasa don kara hidimtawa da kuma kare dukkan ‘yan Najeriya. “
