Hukumar da Sha dakuma fataucin Miyagun Kwayoyi ta Najeriya reshen jihar kano ta bayyana cewa ta Kama Ton Dubu takwas da Dari bakwai na Miyagun Kwayoyi a jahar kano.
Shugaban Hukumar Ibrahim Abdul shine ya bayyana hakan a yau, Albarkacin ranar yaki da shaye-shaye da majalisar dinkin duniya ta ware.
Ibrahim Abdul ya bayyana cewa sun Kama wadannan Kayan ne a lokacin da ake zaman gida na kulle, wanda akayi shigo da Kayan zuwan cikin jihar kano.
Majalisar dinkin duniya ta ware wannan Rana a matsayin ranar yaki da shaye-shaye ta duniya.
Sai dai masu sharhi na ganin cewa shaye-shayen ya samo asali ne daga tsananin rashin aikinyi da ake fama dashi a Najeriya.
Inda suka nunarda cewa 85℅ na mahaukatan Najeriya sun sami matsalar ne sanadiyar shaye-shaye.
Haka lamarin ya shafi Matasa maza da mata, Sannan akwai matan aure dake fama da wannan dabi’ar.
Kuma sun bayyana muddin ana bukatar shawo kan wannan lamari, dole a nemawa Matasa aikin yi.
Daga Abdullahi Muhammad Maiyama
