Hukumar shige da fice ta Najeriya ta kuma sanya tsohon gwamnan cikin jerin sunayen wadanda ake nema, bayan da hukumar yaki da masu yi wa tattalin arzikin kasa zagon kasa, EFCC, ta bayyana cewa tana neman sa a kan zargin karkatar da kudaden da suka kai N80.2bn.
Sufeto Janar na ‘yan sandan Najeriya Olukayode Egbetokun ya janye dukkan jami’an ‘yan sandan da ke da alaka da tsohon gwamnan jihar Kogi Yahaya Bello.
Umurnin janyewar yana kunshe ne a cikin wata sanarwa ta ‘yan sanda mai lambar: “CB: 4001/DOPS/PMF/FHQ/ABJ/VOL.48/34 wadda ta karanta a wani bangare,” IG ya ba da umarnin janye duk ‘yan sandan da ke da alaka da Mai Girma kuma tsohon Gwamnan Jihar Kogi, Alhaji Yahaya Bello.
Hukumar Shige da Fice ta Najeriya ta kuma sanya tsohon Gwamnan a jerin sunayen wadanda ake nema, bayan da Hukumar Yaki da yi wa Tattalin Arzikin Kasa Ta’annati (EFCC), ta bayyana cewa tana neman sa kan zargin karkatar da kudade har N80.2bn.
Sanarwar hukumar ta NIS mai kwanan wata 18 ga Afrilu, 2024, ta samu sa hannun mataimakin Kwanturolan Shige da Fice, DS Umar, da Kwanturola-Janar, Kemi Nandap.
Hukumar ta yi cikakken bayanin sunan tsohon gwamnan, dan kasa, da lambar fasfo (B50083321), tana mai cewa, “An umurce ni da in sanar da ku cewa an sanya wanda aka ambata a sama a cikin jerin masu laifi”.
Sanarwar ta ci gaba da cewa, ana tuhumar wannan batu ne a gaban babbar kotun tarayya da ke Abuja bisa laifin hada baki, cin amana, da kuma karkatar da kudade a takardar faifan bidiyo Ref; CR; 3000/EFCC/LS/EGCS.1/ TE/Vide/1/279 kwanan wata 18 ga Afrilu, 2024.
Sanarwar ta kara da cewa “Idan an gan shi a duk inda aka shiga ko fita, to a kama shi a mika shi ga Daraktan Bincike ko kuma a tuntubi 08036226329/07039617304 domin daukar mataki.”
