Ina fa sane da cewa ‘yan Nageriya na cikin wahala da matsin kuncin rayuwa sakamakon cire tallafin man fetir amma na karamin lokaci ne ~Cewar Shugaba Tinubu.
Shugaba Bola Ahmed Tinubu ya ce ci gaba da radadin da wahalar kuncin rayuwa da ake samu ta hanyar cire tallafin man fetur zai karfafa wasu hanyoyin samar da makamashi da ababen more rayuwa da ayyukan jama’a da za su bunkasa ci gaban Najeriya.
Don haka ya umurci kowa da kowa da su ga raɗaɗin da ke tare da su a matsayin ɗan gajeren lokaci da kuma lura da fa’idodinsu na dogon lokaci.
Da yake jawabi a ranar Litinin a babban taron karawa juna sani na kwanaki uku da ake ci gaba da gudanar da taron hadaka na taro karo na 37 da na 38 na jami’ar Ilorin, shugaban ya amince da cewa ‘yan Najeriya na cikin halin kunci na tattalin arziki sakamakon cire tallafin man fetur.
Tinubu wanda ya samu wakilcin Ministan Ilimi na Jiha, Dokta Yusuf Tanko Sununu, ya ce: “Yayin da ake sa ran samun gajeriyar ribar tare da ɓacin rai, da fatan za a sa ido ga fa’idodin da za a samu na dogon lokaci.
“Cire tallafin zai iya ba da damar saka hannun jari a madadin hanyoyin samar da makamashi, ababen more rayuwa, da ayyukan jama’a wadanda za su taimaka wajen samun ci gaba mai karfi da wadata Najeriya,” in ji shi.
