Kamfanin matatar sukari na Dangote Plc ya yi asarar naira biliyan 108.92

Kamfanin matatar sukari na Dangote Plc ya yi asarar naira biliyan 108.92 kafin haraji idan aka kwatanta da ribar da ta samu kafin harajin da ya kai naira biliyan 82.3 a shekarar da ta gabata.
Kamfanin dai ya danganta wadannan hasarar da aka samu musamman ga faduwar darajar Naira wanda akasari ke zubar da ribar aiki da akasarin kamfanonin kera kayayyaki a kasar nan.
Dangane da bayanin da kamfanin ya fitar kwanan nan na rahoton shekara ta 2023 da bayanan kudi, Dangote Sugar ya yi asarar kudaden musaya na kasashen waje da ya kai Naira biliyan 172.198.
Hakan ya kawar da ribar da ya samu na Naira biliyan 76.68.
Asarar ta haifar da raguwar kashi 53% na kudaden masu hannun jari daga Naira biliyan 171.2 zuwa Naira biliyan 79.2.
Kamfanin ya ƙara sanar da cewa ya ɗauki ƙwaƙƙwaran matakin sarrafa ragi da tsare-tsare na sarrafa farashi don magance ƙaƙƙarfan rashin daidaituwa da hauhawar farashi.