Karancin Naira: Manoma sun roki gwamnatin Buhari da ta biya su diyya saboda asarar da suka yi
Shi ma da yake jawabi, Adewunmi Malik-Adeola, ya bayyana cewa, akwai karancin bayanai game da manufofin a yankunan karkara, inda galibin manoma ke zaune.
Kungiyar manoma ta Najeriya AFAN, ta yi kira ga gwamnatin tarayya da ta biya diyya ga manoman asarar da aka samu a lokacin da babban bankin Najeriya (CBN) ke aiwatar da sabon fasalin Naira da kuma tabarbarewar kudi.
A cikin hirarraki daban-daban da suka yi bitar tasirin manufar, sun ce biyan diyya ya zama dole don karfafa gwiwar manoma su koma gonaki.
Manoman sun ce za a iya biyan diyya a matsayin tallafi, kayan masarufi, taki da kayan aikin gona.
Femi Oke, shugaban AFAN na Legas da shiyyar Kudu-maso-Yamma, ya ce da yawa daga cikin mambobinsu abin ya shafa a lokacin aiwatar da manufar, wanda hakan ke kawo cikas ga ayyukan noma.
“Daga abin da muka gani da kuma ji ya zuwa yanzu, asarar da aka samu a lokacin tana da yawa kuma ta kan gaba, musamman ga mambobinmu da ke cikin dabbobi, kaji da alade da masu sarrafa su.
“Manoman kiwon kaji sun fi asara; ya kasance kamar lokacin COVID-19 da muka samu a shekarar 2020. Muna addu’ar kar a sake samun maimaicin COVID-19 saboda babban rashi ne, “in ji shi.
Mista Oke, ya bukaci manoma da su jajirce kada kuma su karaya saboda abubuwan da suka faru a baya-bayan nan a fannin tattalin arziki, amma su koma gona su marawa manufofin gwamnati baya don bunkasa samar da abinci da don doogaro da kai.
Shi ma da yake jawabi, Adewunmi Malik-Adeola, ya bayyana cewa, akwai karancin bayanai game da manufofin a yankunan karkara, inda galibin manoma ke zaune.
Ta koka da cewa ba a samun bayanai kan tsarin manufofin, tashi da aiwatarwa.
Ms Malik-Adeola ta kara da cewa dole ne a wayar da kan masu ruwa da tsaki kan manufofin gwamnati don hana asarar zuba jari wanda zai iya haifar da cututtuka ko ma mutuwa.
Abimbola Francis-Fagoyinbo, sakatariyar kungiyar ta AFAN a Legas, ta bayyana illar da manufofin ke yi a harkokin kasuwancinta da yin barna.
Ms Francis-Fagoyinbo, mai sarrafa rogo kuma manomin tattara kaya, ta ce yawancin amfanin gonarta sun lalace saboda rashin siyar da su.
Ta bukaci gwamnati da ta fito da tsare-tsare da za su gyara barnar da aka yi
Ms Francis-Fagoyinbo ta ce farashin garri ya karu saboda manufar sake fasalin Naira.
“A yanzu haka, farashin garri yana tashi kuma baya saukowa saboda sun yi asara mai yawa a baya.
Latifat Ajani, wata mai sana’ar kamun kifi da noman amfanin gona, ta ce ya kamata a yi nazarin manufofin da yadda ake aiwatar da su yadda ya kamata kafin a dawo da shi.
“Manufar sake fasalin Naira ta shafi kasuwancina sosai; lamari ne mai matukar tsanani ga iyalina da ni.
“Na sami damar tsira ta taimakon ‘ya’yana; babu sayarwa, kudina sun makale da kwastomomi kuma a bankuna,” inji ta.
(NAN)
