Kasashen Ketare

Kisan Ƙare Dangi: Wani mutumi ya kashe matarsa da ’ya’yansa biyar da surukarsa.

Spread the love

Binciken da ‘yan sandan suka yi ya nuna cewa ya aikata kisan kai ne bayan da matarsa ​​ta nemi saki.

Michael Haight, mai shekaru 42, ya halaka dukan iyalinsa, bayan ya kashe matarsa, surukarsa da ‘ya’yansa biyar kafin ya kashe kansa a Utah, Amurka.

Binciken da ‘yan sandan suka yi ya nuna cewa ya aikata kisan kai ne bayan da matarsa ​​ta nemi saki.

An gano gawarwakin dangin da aka kashe a wani gida da ke birnin Enoch a ranar Laraba bayan da aka ce Misis Haight ta rasa wani alƙawari da ta tsara ba tare da bayar da wani bayani ba. Rahoton ya sa aka duba lafiyarta a gidanta.

Wadanda Mr Haight ya kashe sun hada da matarsa ​​Tausha ‘yar shekara 40, surukarsa Gail Earl mai shekaru 78 da ‘ya’ya biyar da ba a bayyana sunayensu ba saboda yara kanana ne. Yaran da aka kashe sun hada da ‘yan mata uku masu shekaru 17, 12 da 7, da maza biyu masu shekaru 7 da 4.

Rob Dotson, manajan birnin Enoch ya bayyana cewa duk wadanda abin ya shafa sun mutu sakamakon harbin bindiga.

Jami’an tsaro sun ce Misis Haight ta bukaci a raba aurenta ne a ranar 21 ga watan Disamba, kwanaki kafin mijinta ya fara jin haushi.

Related Articles

Leave a Reply

Your email address will not be published. Required fields are marked *

Back to top button