Ku daina ba da tallafin zaɓe ga Najeriya – Shehu Sani ya shawarci Amurka, Kanada da sauran su

Tsohon Sanatan Kaduna ta tsakiya, Shehu Sani ya bukaci cibiyoyin kasa da kasa da kasashen waje da suka hada da Amurka da Canada da sauran su da su daina barnatar da kudade a zaben Najeriya.

Dan siyasar na Najeriyar, ya ce, maimakon ware makudan kudade don gudanar da zabukan kasar, ya kamata kungiyoyin duniya da na kungiyar tarayyar Turai (EU) su rika shigar da irin wadannan kudade a fannin ilimi da kiwon lafiya a yankunan karkara.

Sani ya bayyana wadannan abubuwa ne a shafin sa na Twitter da aka tabbatar a ranar Laraba, inda ya jaddada cewa ilimi da lafiyar kasar nan na bukatar karin kudade.

Sani ya rubuta cewa, “Hukumomin kasashen ketare da gwamnatocin kasashen waje, musamman kasashen EU, Amurka da Canada su daina ba da kudaden ayyukan zabe a Najeriya.

Hukumomin ba da agaji na kasashen waje da gwamnatocin kasashen waje, musamman kasashen EU, Amurka da Kanada su daina ba da kudaden gudanar da ayyukan zabe a Najeriya. Su ba da kudin zuwa ga ilimi da lafiya a yankunan karkarar mu a nan ne ake bukata mafi girma.

• Sanata Shehu Sani (@ShehuSani) Maris 29, 2023

“Ya kamata su ba da kudin wajen samar da ilimi da lafiya a yankunan karkarar mu. A nan ne aka fi buƙata. “

Wannan na zuwa ne a daidai lokacin da kasar ke shirin kafa sabuwar gwamnati na tsawon watanni biyu, musamman a ranar 29 ga Mayu, 2023.