An Kama Wata mata a jihar Katsina ta sayar da jaririyarta Yar wata hudu 4 a kan kudi dubu dari uku N300,000

A ranar 26/11/2020 da misalin karfe 04 :30, rundunar Yan Sanda ta samu nasarar cafke wata mata mai suna Zainab (Justina) Adamu, ‘yar shekara 25 yar asalin jihar Adamawa, amma tana zaune a Kofar Kaura Layout Dake Birnin Katsina, wacce ta hada baki da kawarta, Ruth Kenneth,
‘yar shekara 32ta Kofar Kaura Layout,’ yar asalin jihar Delta kuma ta sayar da Yar ta yar wata hudu yarinya ga wata Mata Mai suna Chinwindi Omeh, Mai shekaru 43 daga karamar hukumar Ekuisigo ta jihar Anambra akan kudi naira dubu dari uku (N300,000.

A yayin binciken an kuma kama wani wanda ake zargi, Chukwudi Elias Nnali, mai shekaru 45 da wannan adireshin, dan uwan ​​Chinwindi Omeh da laifin taimakawa da aikata laifin.

Kudaden Naira dubu dari da sittin da biyar, (N165,000) da Kuma Naira dubu tamanin da biyar (N85,000: aka bawa hannun Zainab Adamu da Ruth Kenneth a matsayin kudin sayar da jaririn. Rahotan katsina Post

Leave a Reply

Your email address will not be published.