Da Dumi-Dumi: Ƴan Bindiga Sun Bankawa Ofishin Ƴan Sanda Wuta a Anambra

Yan bindiga sun kai hari ofishin rundunar yan sanda ke Nkporo a karamar hukumar Ohafia ta jihar Abia, The Nation ta ruwaito.

Maharan sun kona babban ginin cijin caji ofis na yan sandan.

Sun kuma kona kayayyakin da yan sandan suka kwace daga hannun wadanda ake zargi da laifi da suka hada da motocci da babura a caji ofis din.

An kuma gano cewa yan bindigan sun saki mutanen da ake tsare da su a bayan kanta yayin harin.

Faruwar harin ya jefa mutane da dama a unguwar da yan asalin garin cikin damuwa.

An yi kokarin tuntubar mai magana da yawun rundunar yan sandan jihar Abia, Geoffrey Ogbonna domin ji ta bakinsa amma hakan bai yi wu ba.

Bai daga wayansa ba kuma bai amsa sakon kar ta kwana da aka aika masa ba.

Nkporo ne garin su mataimakin gwamnan jihar Abia, Ude Oko Chukwu.

Saurari cikaken rahoton …

Daga Ahmad Aminu Kado

Leave a Reply

Your email address will not be published. Required fields are marked *