Dole ne mu kawo karshen ‘yan Sandan SARS matukar baza’a iya chanja masu fasali ba~ Sanata Uba Sani

Sanata Uba Sani Mai wakiltar kaduna ta tsakiya ya ce Tsawon shekaru ashirin 20 kenan yanzu da Rukuni na Musamman na Yaki da fashi da makami na ‘yan sandan Najeriya SARS sukayi suna kan bisa yaki da ‘yancin ‘yan Najeriya Shaidu suna da yawa game da munanan abubuwan da suke aikatawa a kan ‘yan ƙasa a cikin birane da kan hanyoyi a gidajen zama, a gaban otal-otal, kan titunan unguwanni, cikin duhun dare da hasken rana.

Misali, a ranar 6 ga Afrilu 2020, an yi zargin cewa an kashe mutane biyar a kauyen Trikania da ke Sabongari Nasarawa a karkashin karamar hukumar Chikun ta Jihar Kaduna yayin wani rikici tsakanin matasa da ’yan sanda da ke tilasta umarnin shiga-gida a jihar kan dokar Zaman gida ta barkewar cutar Coronavirus. An ce jami’an SARS sun bude wuta a kan mutanen lokacin da suka iso a kokarin su tarwatsa su, wanda ya kai ga mutuwar mutane biyar 5 Har’ila yau A ranar 28 ga Maris, 2019, rahotanni sun ce wani dan sanda na SARS ya harbe wani dan acaban mai suna, Ademola Moshood a kusa da gidansa da ke Surulere, ta jihar Legas lokacin da ake zargin ya ki aminta ya bayar kudi N200 a matsayin cin hanci.

A cewar wani rahoto mai taken, ‘Lokaci don Kare Rashin Hukunci, Time to End Impunity) wanda aka fitar a ranar 25 ga Yuni, 2020, Amnesty International ta rubuta a kalla kararraki 82 na azabtarwa, muzgunawa, da kuma zartar da hukuncin kisa da SARS ta yi a tsakanin watan Janairun 2017 da Mayu 2020. Wadanda abin ya shafa yawanci maza ne yan tsakanin shekaru 18 zuwa 35, daga masu karamin karfi da kuma ƙungiyoyi masu rauni. Wadannan kadan kenan daga cikin jerin munanan ayyukan ta’addancin da SARS suka aikata. Babban abin damuwa shi ne yadda ake zargin suna da hannu dumu-dumu cikin lamuran farar hula. Abin da kawai kuke buƙatar yi shi ne “yi hayar” su ka biyasu suyi maka aiki kan mutumin da kuke rigima dashi A yayin gudanar da irin wadannan ayyukan ba bisa ka’ida ba rayuka da dukiyoyi sukan salwanta. Ya kasance mulkin rashin hukunci. Sun zama ɗaya daga cikin jami’an tsaro da ake ƙyama a Najeriya. A baya an yi kokarin sake fasalin SARS amma abin ya ci tura. Zai zama alama cewa jami’an tsaro sun lalace sosai Suna buƙatar gyara don ya zama kariya ga Najeriya.

Dole ne a sake sanya shi yadda ya kamata don bincika barazanar fashi da makami. Aikin kundin tsarin mulki na Rundunar ‘Yan Sandan Najeriya shi ne yi wa’ yan kasa hidima da kare su. Ba za mu iya barin jami’ai su ci gaba da cin zarafin ‘yan ƙasa ta hanyar zalunci, tursasawa, karɓar rashawa da tsoratarwa ta karfi da yaji kan talakawan Najeriya da jami’an SARS su keyi ba kuma rashin girmamawa ne ga ‘yancin dan adam da kuma bin doka da oda. Abin farinciki ne cewa masoyinmu Mataimakin Shugaban Kasa, Farfesa Yemi Osinbajo da Sufeto Janar na ‘Yan sanda, Mohammed Adamu ba wai kawai sun yi Allah wadai da wannan sabon barna ta SARS ba ne, a.a sun dauki kwararan matakai don rage yawan ire iren Wannan Matsala.

Ina kira ga Gwamnatin Tarayya da kuma musamman Hukumomin ‘Yan Sanda da su tabbatar da cewa an aiwatar da sabbin matakan yadda ya kamata kuma su dore. Idan SARS ba za a iya kawo sauyi ba ya kamata a yi watsi da ita Rundunar don kare mutanenmu Kuma a rinka kula dasu ta Hanyar biyan masu haraji. Na tsaya tare da ‘yan Najeriya wadanda suka Kasa shuru kuma suka kasance masu karfin gwiwa wajen yin magana kan cin zarafin da ake zargin jami’an SARS da aikatawa. Ina kira gare ku da ku ci gaba da tsayawa tsayin daka ba tare da wata tangarda ba wajen jan hankalin mutane game da ragin Kare muhimman hakkoki da ‘yancin jama’armu da jami’an SARS ke yi. A shirye nake kuma in bayar da taimako dangane da abinda doka ta tanada ga wadanda abin ya shafa. Dole ne a dauki dukkan matakan don bincika barazanar SARS. Zan ci gaba da bayar da himma sosai wajen neman garambawul ga rundunar ‘yan sandan Najeriya tare da samar mata da isassun kudade domin ba ta damar sauke nauyin da ke kanta na tilasta bin doka a Najeriya Inji Sanata Uba Sani

Har’ila yau sanatan Yace Dole ne a samar da ingantattun hanyoyi don yiwa rundunar ‘yan sanda ta Najeriya hisabi kan ayyukan da suka saba wa doka na cin zarafin‘ yan kasa. Dole ne mulkin rashin hukunci ya ƙare YANZU. Ga wadanda suka rasa ‘yan uwansu sakamakon bijiro da doka da oda na jami’an SARS, ina son mika sakon ta’aziyya ta cewa Tunanina da addu’ata suna tare da ku.

Sanata Uba Sani (Kaduna ta Tsakiya)

Leave a Reply

Your email address will not be published.