Hatsarin jirgin NAF, Bala’i ne mara kyau ga ƙasarnan – Ministan Tsaro.
Ministan Tsaro, mai ritaya Maj.-Gen. Bashir Magashi, ya bayyana faduwar jirgin saman Sojan Sama na Najeriya 350 a matsayin mummunan bala’i na kasa.
Magashi ya bayyana hakan ne a cikin wata sanarwa da hadiminsa na musamman kan harkokin yada labarai, Mohammad Abdulkadri, ya fitar a ranar Litinin a Abuja.
Kamfanin Dillancin Labaran Najeriya (NAN) ya ruwaito cewa dukkannin sojojin sama bakwai da ke cikin jirgin sun mutu a hatsarin a ranar Lahadi.
Ministan ya ce ya yi matukar bakin ciki da mummunan hatsarin, ya kara da cewa mutuwar wani abin takaici ne na rarar dukiyar dan Adam na kasa.
Magashi ya ce mutuwar jami’ai da sojojin sama a bakin aiki ba za a taba mantawa da su a cikin kundin tarihin kokarin sojoji na kawo karshen rashin tsaron al’umma ba.
Ministan ya yi ta’aziyya ga Shugaban kasa Muhammadu Buhari, kasar da kuma Sojojin Sama na musamman, tare da iyalan wadanda suka yi babban rashi yayin yi wa kasa hidima.
Ya yi addu’ar Allah ya jikan wadanda suka mutu ya kuma ba su ikon jure babban bala’in. (NAN)
