MAKKAH — Ma’aikatar Hajji da Umrah ta bukaci maniyyata da maziyarta da su guji yin barci a Masallacin Harami da ke Makkah, domin bin ka’idoji.
An bayyana cewa, wajibi ne alhazai su guji kwanciya ko barci musamman a tituna, wuraren sallah, a cikin hanyar motocin gaggawa, da hanyoyin da aka ware wa kekunan guragu na nakasassu.
Ma’aikatar ta kuma bayyana cewa, wajibi ne alhazai su kiyaye ladubban aikin Umrah, wanda ake wakilta cikin kyawawan halaye tare da dukkan jama’a, da kuma son hadin kai, baya ga bin umarnin masu shiryawa da ma’aikata.
Domin gudun saba wa ka’ida, duk mai son yin Umra sai ya samu izinin yin hakan kafin ya isa Masallacin Harami na Makkah ta hanyar aikace-aikacen Nusuk ko Tawakkalna.
Saudi Gazette
