Majalisar Dattawa ta ce tana bukatar N400bn duk shekara domin kula da titunan gwamnatin tarayya a kasar.
Takardar ta ce N38bn da aka ware a cikin kudirin kasafin kudi na 2021 don kula da sama da kilomita 35,000 na titunan gwamnatin tarayya a duk fadin kasar ya yi karanci matuka ga duk wani aikin gyaran hanya mai mahimmanci.
Shugaban kwamitin Majalisar Dattawa kan Hukumar Kula da Hanyoyi ta Tarayya, Sanata Gersom Bassey, ya shaida wa manema labarai cewa ana iya aiwatar da gyaran hanyoyi ne kawai ta hanyar kusan Naira biliyan 400 a duk shekara.
Yayi magana ne bayan ya gabatar da kudirin hukumar na kasafin kudi na 2021 ga kwamitin majalisar dattijai kan kasaftawa a ranar Juma’a.
“Abin da kwamitin ya gabatar yanzu haka ga kwamitin kasasfin kudi don gudanar da irin wannan atisayen a shekarar kasafin kudi ta 2021 shi ne N38billion da zartarwa ya gabatar mata, wanda ba zai iya daukar nauyin daya bisa kwata na dukkanin hanyoyin mota marasa kyau a kasar nan ba.
“Abin takaici, duk da cewa muna da karfin kason, ba za mu iya, a matsayinmu na kwamiti, mu tara kudin ba tunda ba mu da ikon aiwatar da kiyasin aikin da za a yi kan kowane bangare na hanya.”
