Majalisar dattijai a ranar Alhamis, ta bukaci karin N9bn ga kamfanin jiragen kasa na Najeriya a cikin kasafin kudin 2021.
Shugaban Kwamitin Majalisar Dattawa kan Sufurin Ruwa, Sanata Danjuma Goje, ya fadi haka bayan mika rahoton kasafin kudi na 2021 na Sufurin Jiragen Ruwa da na Kasa zuwa ga Kwamitin Majalisar Dattawa kan Kasaftawa.
Tsohon gwamnan na jihar Gombe ya ce kudin an yi shi ne domin sauke nauyin layin dogo daga Lagos zuwa Ibadan, Abuja – Kano da Warri – Itakpe.
Ya ce, “Jirgin kasan Legas zuwa Ibadan, Abuja – Kano da Warri – Itakpe ana sa ran fara aiki a shekara mai zuwa.
“Ba a samar da wadataccen tanadin kudin ma’aikatan jirgin kasa ba. Mun gabatar da kara ga kwamitin kason don bai wa kamfanin jirgin kasa na Najeriya karin mafi karancin N9bn don tashi, ”inji shi.
Da yake jawabi a lokacin gabatarwar, Shugaban Kwamitin Kasafin Kudin, Sanata Barau Jibrin, ya yabawa kwamitin kan aiwatar da ingantaccen tsarin doka. Ya yi alkawarin aiki da rahoton kwamitin da yin kason da ya kamata.
