A jiya ne shugaban masu rinjaye na majalisa, Alhasan Doguwa, ya bayyana aniyarsa ta tsayawa takarar shugaban majalisar wakilai ta 10, inda ya ce matansa hudu da ‘ya’yansa 28 ne shaidan da zai yi nasara a matsayin shugaban majalisar.
Da yake jawabi a wani taron da aka gudanar a Abuja, Doguwa mai wakiltar mazabar Tundun Wada/Doguwa na jihar Kano, ya kuma ce ya biya kudin sa na jam’iyyar, yana mai jaddada cewa lokaci ya yi da ya kamata a ba shi wannan matsayi.
Bayanin nasa ya zo ne a matsayin mayar da martani ga sukar da ake masa na cewa ba shi da kwarewa da yanayin da zai maye gurbin shugaban majalisar mai ci a yanzu, Femi Gbajabiamila, saboda rashin da’a.
Ya ce: “Ko da a matsayina na Babban Jami’in Majalisar Wakilai, ban nuna wani hali ba. Ga wadanda suka kira ni a matsayin mutum mai girman kai, sun yi wa Ado Doguwa mummunar fahimta, wanda ke da mata hudu da ‘ya’ya 28.
“Ban taba yin saki ba. Wannan yana nuna ina da abin da ake bukata don yin fice a matsayin Speaker na gaba. Zan zama kafet ga ’yan Najeriya su yi tafiya a kai.”
