Mulkin Obasanjo karo na biyu Yafi ko wanne mulki kyau ga tattalin arziki a Nageriya ~El rufa’i
Tsohon gwamnan jihar Kaduna Mal Nasir El rufa’i ya ce wa’adin mulkin tsohon shugaban kasa Olusegun Obasanjo na biyu shi ne “mafi nasara” ta fuskar bunkasar tattalin arziki, samar da ayyukan yi, da hauhawar farashin kayayyaki a Najeriya.
Tsohon gwamnan ya yi wannan jawabi ne a ranar Juma’a yayin wani zama a taron Africa In the World a Stellenbosch na kasar Afrika ta Kudu.
“Idan aka dubi yanayin tattalin arzikin Najeriya, shekaru hudu zuwa biyar mafi nasara na bunkasar tattalin arziki, samar da ayyukan yi, da rage hauhawar farashin kayayyaki shine lokacin wa’adin mulkin shugaba Obasanjo na biyu a shekarar 2003 zuwa 2007, inda a karon farko, kasar ta koma cikin tsarin hadaka mai kyau kuma mun samu sa’a.”
“Farashin man fetur ya fara hauhawa amma ba mu yi asarar iska ba saboda mun shirya. Muna da asusun danyen mai da ya wuce gona da iri (ECA) wanda ya dogara ne akan dokar kasafin kudi cewa duk wani rarar da aka samu sama da wani takamaiman farashin danyen mai yana zuwa asusun ajiyar.
Kuma da wannan ne muka samu nasarar kawar da dukkan basussukan da ake bin mu a kasar waje”.
El-Rufai ya ce lafiyar kasafin kudin Najeriya ya yi kyau a shekarar 2007, kamar yadda lokacin da rikicin kudi ya faru a duniya a 2008, “Najeriya ba ta ji komai ba”.
“Ba a ji komai ba a Najeriya saboda Najeriya na da babban asusun ajiyar kudi; muna da tanadi mai yawa kuma mun sami damar shawo kan girgizar ba tare da wata matsala ta cikin gida ba sabanin yawancin ƙasashe,”
