Hukumar tsaro ta farin kaya (DSS) ta ce ta bankado shirye-shiryen gudanar da zanga-zangar tarzoma don bata sunan gwamnatin tarayya da hukumomin tsaro kan “lamuran da suka shafi zamantakewa da tattalin arziki”.
Hukumar tsaron ta ce shugabannin dalibai, matasa, kungiyoyin kabilanci, da kuma wasu kungiyoyi, na shirin gudanar da zanga-zangar.
Hukumar ta DSS ta ce ta gano “shugabannin wannan shiri” kuma a halin yanzu ana ci gaba da sa ido a kansu.
