Mun shirya zamu biya bashin da masu Cin gajiyar N-Power suke bin Gwamnatin tarayya ~Cewar Ministar Jin Kai Dr Betta Edu.
Ma’aikatar kula da jin kai da yaki da fatara ta tarayya ta kwato wasu kudade da wasu suka rike na tsawon watanni da dama. Manajan shirye-shirye na N-Power Mista Akindele ne ya bayyana haka bayan taron da aka yi da wakilan wadanda suka ci gajiyar N-Power.
“Abin farin ciki shi ne cewa an kwato kudaden a jiya kuma za ku samu kudaden ku nan ba da dadewa ba.
Nan ba da dadewa ba za a fara biyan masu cin gajiyar N-Power Batch C biya bashin watanni takwas,” inji shi.
Manajan shirye-shiryen na kasa ya bayyana cewa, mai girma ministar harkokin jin kai da yaki da talauci Dr Betta Edu, sun dukufa ba dare ba rana domin kama wasu kura-kurai a cikin shirin da sauran shirye-shiryen saka jari na zamantakewa.
“Wadannan rashin bin ka’ida sun sa talaka ya daina amincewa da iyawar Gwamnati na samar da kariya ga al’ummarta amma Dr Betta Edu tana daukar duk matakan da suka dace don magance wadannan matsalolin da kuma isar da Sabbin Fatan Shugaban Kasa Bola Ahmed Tinubu ga ‘yan Najeriya.
“Yawancin kura-kurai da suka kawo cikas wajen aiwatar da shirin ana magance su. Idan dai ba a manta ba a lokacin da aka fara aikin an lura cewa da yawa daga cikin wadanda suka ci gajiyar aikin ba sa karbar kudaden alawus-alawus din su na wata-wata, yayin da masu ba da shawara na kula da tsarin rajista da biyan kudi ke rike da kuɗaɗen wanda kwangilarsa ta ƙare. Labari mai dadi shine an kwato kudaden kuma hakan zai ba da damar biyan wadanda suka ci gajiyar kudin.”
Wannan da ma wasu kura-kurai ne da mai girma Ministan ta kuduri aniyar warwarewa ta yadda za a samar da kyakkyawan tushe wanda Renewed Hope N-POWER zai fadada har ya kai matasa miliyan 5 a Najeriya.
Manajan shirye-shiryen na kasa ya yi kira ga matasan Najeriya da su yi hakuri domin sake fasalin ya kasance mafi amfani kuma zai haifar da fadada shirin don daukar miliyoyin Matasa.
Ya kara da cewa Shugaba Tinubu ya kuduri aniyar kawar da Talauci kuma zai kai ga nasara.
