Na kira Buhari Sau Biyu Akan Harbe-harben Lekki Amma Bai Sami Damar Tattaunawa Dani Ba – Cewr Gwamnan Legas Sanwo-Olu.
Gwamnan Jihar Legas, Babajide Sanwo-Olu a ranar Alhamis ya bayyana cewa bai samu damar ganawa da Shugaba Muhammadu Buhari ba don tattauna batun harbe-harben masu zanga-zangar lumana a kofar shiga Lekki da maraicen Talata.
Sanwo-Olu wanda ya bayyana hakan yayin tattaunawar kai tsaye a gidan talabijin na Arise TV ya kuma yi karin haske a kan takaddama game da cire kyamarori da kuma dalilin da ya sa aka kashe fitilar talla.
Da aka tambaye shi dalilin da ya sa aka cire kyamarorin, Sanwo-Olu ya amsa, “Kyamarar da aka cire ba kyamarorin tsaro bane, kyamarar laser ce ta motoci; yana zana alamun motoci da lambobi; ba kyamarar tsaro bane; kyamara ce ta infrared ne; har yanzu akwai kyamarar tsaro kuma wannan shine abin da muke amfani da shi don bincikenmu.
Talla “Sun yi cirewar ne saboda dokar hana fita; Game da hasken LCC ya kashe wutar saboda dokar hana fita da Gwamnatin Legas ta bayar.
Ban taba yin magana da mai kamfanin ba (dan Tinubu), ina da matukar yakinin shawarar da suka yanke ta shafi kamfanoni ne kawai. ”
Gwamnan wanda ke cikin matukar damuwa ya kuma tabbatar da cewa za a sanya hotuna daga kyamarorin CCTV a Lekii a matsayin wadanda za su kasance masu kallo ga jama’a.
