Shugaba Bola Tinubu ya tuna yadda rayuwarsa ta kasance, yadda ya yi zamansa a kasashen Amurka da Birtaniya, yana aiki a matsayin “mai gadin dare a kofar gida”
Shugaban ya bayyana haka ne a ranar Juma’a a wani taron tattaunawa da ‘yan Najeriya mazauna kasar Faransa, inda suka yaba masa bisa daukar jajircewa da daukar matakai masu tsauri da hangen nesa wajen daidaita tattalin arzikin kasar.
Shugaban na Najeriya ya ba da tabbacin cewa za a fito da sabbin tsare-tsare da kuma aiwatar da su a fannonin da suka shafi rayuwar ‘yan Najeriya kai tsaye, kamar ayyukan lantarki da makamashi.
Tinubu, yayin da yake magana kan babban zaben 2023 da ya kai shi ga zama shugaban kasa, ya ce “Najeriya ta mu ce baki daya. Bambancin mu wata kadara ce idan mun san yadda za mu yi amfani da shi don wadatar mu. Haihuwar uba daya, a gida daya banda zama a dakuna daban-daban. Dole ne mu inganta hadin kai, kwanciyar hankali da adalci ga kowane daya daga cikin mu”.
“Ko kun zabe ni, ko ba ku zabe ni ba, ko kun yi min yakin neman zabe, ko ba ku yi min yakin neman zabe ba. Ni ne shugaban ku. Da yardar Allah, dole ne in yi aiki a madadinku, kuma in sa a Najeriya ta zama wani abin da zai kawo ci gaba.
Shugaban, yayin da yake lura da cewa kalubalen suna da yawa, ya kara da cewa “amma muna da fata? Ee. Da juriya, azama da dagewa za mu iya cimma duk abin da muke so”.
Ya ce: “A bayyane yake a gare ni, na san hanyar kuma na sha wahala da yawa daga cikin ku a wajen kasar.
“Na kasance a Amurka, a Birtaniya, na kasance mai gadin dare, mai tsaron kofa a Amurka. Amma na cimma burina.
Ya ba da tabbacin cewa ’yan Najeriya za su samu abin da ya dace.
Da yake magana kan tsohon gwamnan babban bankin Najeriya da manufofin tattalin arziki, ya bayyana cewa tsarin kudi karkashin Godwin Emefiele ya “rube ne”.
A cewarsa, wasu ‘yan kalilan ne ke samun kudi ta hanyar karkatar da tsarin kudi.
“To, kai da kanka, ka daina aika kuɗi gida ga iyayenmu matalauta. Tagogi da yawa da suka tafi yanzu, sun tafi. Mutumin yana hannun hukuma, ana yin wani abu a kan haka, za su nemo kansu.
“Muna da kalubalen tsaro a kasar nan. Watakila haka suke kara rura wutar rashin tsaro, mu duba komai. Ba za mu canza tsarin kuɗi ba, zai yi aiki a gare ku.
“Ni da Wale Edun, da kungiyar, muna da wannan tarihin a jihar Legas. Mun gaji kudaden shiga da ake samu a cikin gida na Naira miliyan 600 kacal, ya kai sama da Naira biliyan 50 duk wata a yanzu. “
