Shugaban kasa Bola Tinubu zai bude tashar jirgin ruwa ta Funtua Inland Dry Port da ke jihar Katsina a hukumance.
A wata hira da Kamfanin Dillancin Labarai na Najeriya a Legas a ranar Laraba, Misis Rebecca Adamu, mataimakiyar Darakta a sashin hulda da jama’a a Hukumar Kula da Sufurin Jiragen Ruwa ta Najeriya (NSC), ta bayyana hakan.
Ta bayyana cewa kaddamarwar wanda aka shirya gudanar da shi a wurin aikin IDP na Funtua da ke Katsina da karfe 11:00 na safe, zai kunshi muhimman masu ruwa da tsaki da manyan baki.
Ta ce, “Kafa tashar ruwa a cikin ƙasa zai kawo jigilar kayayyaki da tashoshi kusa da masu shigo da kaya da masu fitar da kayayyaki a cikin ƙasa.
“Zai rage cunkoso a tashoshin jiragen ruwa, samar da guraben ayyukan yi, ingantawa da kuma tara makudan kudaden shiga ga gwamnati da dai sauransu.
“Haka kuma ya yi daidai da yarjejeniyar aiki da Ministan Ma’aikatar Ruwa da Tattalin Arziki, Adegboyega Oyetola ya sanya wa hannu.
“Yana da kyau a lura cewa, wannan yunƙurin wani ɓangare ne na NSC’ Key Performance Indicator (KPI), don isar da aikin tashar jirgin ruwa ta Funtua Inland Dry Port kafin ƙarshen 1st Quarter, 2024, ”
