Buhari mutum ne na gaske wanda yake da son talakawan kasa, amma wasu ‘yan kato-da-gora a gwamnatin suna cin amanarsa, In ji Sanata Ndume.

Ana cin amanar Buhari, ba shi ne matsalar Najeriya ba – Sanata Ndume

Sanata Ali Ndume, Shugaban Kwamitin Majalisar Dattawa kan Sojoji, ya ce Shugaba Muhammadu Buhari ba shi ne matsalar wannan gwamnati ba.

Sanata Ndume, yayin da yake bayyana a shirin Sunday Politics na Channels Television, ya ce wasu masu madafun iko ne a cikin gwamnatinsa ke cin amanar shugaban kasa wadanda suka ki aiwatar da manufofi.

A cewarsa, “Buhari mutum ne na gaske wanda yake da son talakawan kasa amma wasu ‘yan kato-da-gora a gwamnatin suna cin amanarsa.”

Ndume ya bayyana cewa shugaban ya samu nasara ta kowane fanni, amma akwai wasu mutanen da ya nada wadanda ke kasa aiwatar da manufofin sakamakon wannan na ba matsalolin gwamnatinsa.

“Buhari na da mutunci da iyawa amma sai dai kash, mataimakansa a cikin gwamnati sun kirkiro da yawa kuma saboda haka suna cin amanar kyawawan manufofin da yake son aiwatarwa.

“Shugaban kasa ba zai iya yin komai shi kadai ba, don haka ya zama dole ya nada wasu mutane da za su yi aiki a bangarori daban-daban, amma wasu sun gaza aiwatar da aikin,” in ji shi.

Ndume ya yi ikirarin cewa Buhari ya aiwatar da komai a kan gwamnatinsa tare da manyan tsare-tsare guda uku wadanda suka hada da tabbatar da kasar, yaki da rashawa, da samar da ababen more rayuwa.

Amma, ya lura cewa aiwatar da wasu manufofi kamar yadda shugaban kasa ya gabatar a inda matsalar take.

Leave a Reply

Your email address will not be published.