Dan kasuwar wanda haifaffen Ondo ya kuma yi magana game da kalubalen tsaro da Najeriya ke fuskanta, musamman rikicin Boko Haram da ya addabi al’ummar kasar sama da shekaru goma.
Zababben Sanata kuma hamshakin attajirin dan kasuwa, Dr Jimoh Ibrahim, ya gabatar da wani shiri ga Najeriya na biyan basussukan da ake bin ta cikin kwanaki 90.
Da yake magana a wata hira da gidan Talabijin na Channels TV’s Politics Today, Ibrahim ya ce ya kamata hukumomi su tunkari bankunan EXIM guda biyar, kuma su karbi lamuni wanda ya ninka bashin da ake bi a yanzu.
“Zan iya ba ku dabarar da za ta iya sa ku biya bashin a cikin kwanaki 90. Abin da kawai za ku yi shi ne ku kira bankunan EXIM guda biyar, ciki har da bankin EXIM na China,” in ji shi a ranar Litinin.
“Ku karɓi lamuni kusan ninki biyar na duk abin da ake bin kasar a halin yanzu, ku aiwatar da kuɗaɗen tazarar gada, sannan ku biya abin da ake binku. Sannan za ku sami ragi, ku yi shirin biyan kuɗi na shekaru 40 sannan ku sami lokacin dubawa na shekaru 10 kuma kun fita daga bashin.
A cikin shirin, dan kasuwan dan asalin jihar Ondo ya kuma yi tsokaci kan kalubalen tsaro da Najeriya ke fuskanta musamman rikicin Boko Haram da ya addabi al’ummar kasar sama da shekaru goma.
Ya kuma bayyana Boko Haram a matsayin matsalar siyasa, inda ya nemi shugaban kasar da ya mayar da sojojin Najeriya sansaninsu.
“Boko Haram matsala ce ta siyasa. Dole ne ku hada kai a siyasance don magance Boko Haram. Abu na farko da shugaban kasa zai yi shi ne ya janye sojoji gaba daya a mayar da su bariki,” inji shi.
“Yaran da suka bar NDA a matsayin Laftanar, sun zama manyan-janar kuma yakin yana nan. Sojoji kalubale ne ga kanmu? A’a.”
Yayin da hukumomin Najeriya ke fama da tashe-tashen hankula sama da shekaru goma, dan majalisar ya ce sojoji na amfani da dabarun da suka saba tunkarar yakin da ba a saba gani ba.
Ya kuma dora laifin gazawar da ake zargin an yi wajen yaki da ta’addanci a kan dabarun da hukumomi suka bi a yankin Arewa maso Gabas.
A cewar Ibrahim, kasa mafi yawan al’umma a Afirka ta kashe dala tiriliyan 1.2 wajen yakar ta’addanci a cikin shekaru 10 da suka gabata.
Maimakon tura sojoji zuwa ayyuka, dan kasuwa yana son gwamnatin Najeriya ta “nemi tattara bayanai, zamantakewa, kuna buƙatar saduwa da masu ruwa da tsaki, dole ne ku yi tarurruka”.
A kan hanyar ci gaba, Ibrahim ya shawarci Shugaba Bola Tinubu da ya “shiga zamantakewar siyasa. Dole ne ku yi zamantakewa a cikin gida. Da a ce ka kashe kashi 10 na dala tiriliyan 1.2 wajen kyautata zamantakewar siyasa, da Boko Haram ta bace.
“Amma kun kashe kashi 89 bisa 100 akan abin da bai taka kara ya karya ba, har yanzu Boko Haram za ta kasance a can.”
