‘Yan 419 a Ynternet Yahoo Boys, sunyi Zanga Zangar kalubalantar EFCC domin ta Kama abokansu a jihar Osun.
Wasu matasa da aka ce ‘Yahoo boys’, a ranar Talata, sun yi zanga-zanga a Ilesa, Jihar Osun, kan Hukumar EFCC da ke yaki da masu yi wa tattalin arzikin kasa zagon kasa kan kame wasu mambobinsu.
Matasan sun toshe hanyar ne a gaban sakatariyar karamar hukumar Ilesa ta yamma tare da kona tayoyi. Zanga-zangar ta haifar da firgici yayin da ta bazu zuwa wasu sassan garin kuma matafiya da yawa sun makale yayin da masu shaguna ba sa iya budewa.
Masu zanga-zangar sun yi ikirarin cewa jami’an EFCC sun kai samame tare da kame wasu abokan aikinsu a wani otal.
Wani jami’in ‘yan sanda da ya nemi a sakaya sunansa, ya nuna kaduwarsa cewa yaran Yahoo wadanda ke yaudarar intanet za su iya fitowa fili don yin zanga-zangar adawa da hukumar ta cin hanci da rashawa.
Ya ce, “Mun san wadannan yara a matsayin ‘yan damfara ta intanet da mutane ke kira” Yahoo Yahoo “, kuma babban abin mamaki ne cewa suna da karfin halin yin zanga-zangar jama’a.”
Ba a samu jin ta bakin kakakin hukumar ta EFCC ba, Wilson Uwaujaren saboda ba ya karbar kiran waya yayin da wakilinmu ya nemi jin ta bakinsa.
Kakakin rundunar ‘yan sanda na jihar, Yemisi Opalola, ya ce an tura‘ yan sanda ne domin su kwantar da hankulan sannan ya bada tabbacin za a shawo kan lamarin.
