‘Yan bindiga sun kashe mutane 12, sun yi awon gaba da ‘yan Mata da Matan Aure goma 10 a jihar Katsina.
Wasu mutane dauke da muggan makamai sun kai hari a kauyen ‘Yar Kuka da ke karamar hukumar Kankara a ranar Alhamis inda rahotanni suka ce an kashe mutane 12 tare da sace wasu, Daily Trust ta ruwaito.
Wani mazaunin kauyen da aka sace ‘yarsa ya shaida wa majiyarmu cewa‘ yan fashin sun mamaye kauyen nasu da misalin karfe 9:30 na dare suka fara harbe-harbe babu kakkautawa, inda suka kashe mutane 12 tare da yin awon gaba da mata shida.
Uku daga cikin matan da aka sace suna da aure kuma ‘yata guda, yayin da sauran ukun‘ yan mata ne. ”
Haka kuma a ranar Alhamis, wasu ‘yan bindiga sun kai hari a kauyen Dan Ali da ke karamar Hukumar Danmusa inda suka yi awon gaba da wani jami’in ilimi mai ritaya mai suna Sani Skido.
Wani mazaunin kauyen ya ce maharan wadanda suka zo da tsakar dare, sun yi harbi a kofar dakin da mamacin ya buya a gidansa.
An ga alamun jini a cikin dakinsa bayan an ɗauke shi.
Hakazalika, wasu ‘yan bindiga da ba a san ko su wanene ba sun ba da rahoton sace matafiya uku a ranar Juma’a a kan hanyarsu daga Danmusa zuwa kauyen Maidabino da ke Danmuasa.
Wani mazaunin garin Danmusa ya ce matafiyan wadanda ke kan hanyarsu ta dawowa daga Benin a jihar Edo, sun tare motar tare da barin motarsu a wurin da aka sace su.
