Matan da suka rasa muhallansu daga kauyuka daban-daban na jihar Zamfara sun ce yunwa da yanayin sanyi na zama babbar barazana a gare su da ‘ya’yansu a mafakar su bayan‘ yan fashi sun kona garuruwansu.
BBC Hausa ta ruwaito cewa sama da mutane 500 sun rasa muhallansu daga garuruwansu dake karamar hukumar Maru sannan suka yada zango a garin Mai Rairai, na jihar Kebbi.
Matan, da ke zaune a sansanonin ‘yan gudun hijirar tare da‘ ya’yansu, sun ce ba su da abinci kuma ’yan fashin sun kona gonakinsu.
A lokacin da take zantawa da BBC Hausa a jiya, daya daga cikin matan, da aka sakaya sunanta, wacce ta gudu daga Dankofa tare da ’ya’yanta 15 ta ce suna rayuwa cikin yunwa a sansanin‘ yan gudun hijirar na IDP kuma ‘ya’yansu koyaushe suna kuka.
