A ranar Asabar din da ta gabata ne jam’iyyar All Progressives Congress (APC) ta lashe dukkanin Kujerun Ciyamomi na kananan hukumomi 11 dana kansilolin a mazabu 114 a jihar ta Gombe.
Shugaban Hukumar Zabe Mai Zaman Kanta ta Gombe GOSIEC, Seidu Awak wanda ya sanar da sakamakon zaben ya ce takara ce mai karfi a tsakanin jam’iyyun siyasa amma APC ce ta yi nasara ta hanyar mamaye dukkanin kujerun Ciyamomi 11 dana kansiloli 114.
