Zan koma aiki a kamfanoni masu zaman kansu – El-Rufai ya ce ba ya neman zama shugaban ma’aikatan Tinubu
Gwamnan Kaduna, Nasir El-Rufai, ya ce ba ya neman zama shugaban ma’aikata ga zababben shugaban kasa Bola Tinubu wanda za a rantsar a ranar 29 ga watan Mayu.
El-Rufai ya bayyana haka ne a ranar Asabar yayin da yake kaddamar da wasu ayyuka da gwamnatin Inuwa Yahaya ta aiwatar a Gombe.
Rahotanni na yanar gizo sun yi ikirarin cewa gwamnan Kaduna na neman Tinubu ya nada shi a matsayin shugaban ma’aikata.
El-Rufa’i ya ce rahotannin ” hasashe ne” kuma “zai kasance a cikin kamfanoni masu zaman kansu” bayan ya bar mukamin gwamna.
“Ban yi wannan tattaunawa da zababben shugaban kasa ba kuma ba na son yin hasashe,” in ji shi.
“Na karanta a jaridu da aka ba ni amma ku sani, ni dan Najeriya ne mai kishin kasa.
“Ina son ganin kasata ta samu ci gaba kuma duk abin da zan iya don bayar da gudunmawa ga ci gaban kasa, zan yi.
“Amma ba dole ba ne in yi aiki a gwamnati ba. Duk wanda ke aiki ko dai a kamfanoni masu zaman kansu ko ƙungiyoyin jama’a yana ba da gudummawa.
“Ba wata hanya daya ce ta bayar da gudunmawa ga kasar nan ba, kuma ba zan taba daina aiki domin ci gaban Najeriya ba.
“Zan kasance a cikin kamfanoni masu zaman kansu, ba shugaban ma’aikata ba. Zan huta in shawarci mutane irin su Gwamna Inuwa Yahaya idan suna bukata.”
